【韓國】釜山之旅 | 多大浦海水浴場：沙灘泥灘河景海景一次捕獲
多大浦海水浴場交通便利，艾文和旅伴在99 Tong Sam Gyeop食過韓燒放題就坐地鐵由南浦站直接到多大浦海水浴場站(095)。
就在入口處，艾文和旅伴經過多大浦夢幻夕陽噴泉，旁邊有牌子列出噴泉表演時段。
艾文：「時間有啲尷尬，不如入去睇完，走之前先喺度邊休息邊等啦！」
旅伴和議，遂和艾文拖著手向沙灘方向走去。
尚未走到沙灘，途經公園，綠蔭處處，景色經已如畫清麗。
艾文停步觀賞：「淨係呢啲小橋流水景都已經好靚啦！」
旅伴輕輕依傍著艾文：「係好靚，而且有啲河水，感覺上仲冇咁熱添。」
韓國釜山景點 - 多大浦海水浴場 (다대포해수욕장)
多大浦海水浴場沙灘長900米、寬100米，水清沙幼，而且靠岸水比較淺，吸引當地人一家大小到來遊玩。
艾文深深吸了一口氣：「啲海風吹黎好舒服，你睇啲沙幼到！」
旅伴：「係啊，肯定赤腳踩都唔戛！不過今日咁曬就一定好辣腳。」
艾文和旅伴走回公園，隔著樹蔭仍可感受到沙灘處傳來的活力。
旅伴：「你睇下河口嗰邊幾多人係度玩！」
拉著艾文向河口走去，沿河漫步，河水不斷，恬靜而又不息。
艾文：「嗰度有條沿海步道，嗰邊影番過黎啲相一定好靚啫！」
沿路回望泥灘和多大浦沙灘，風光無限。
原來步道是通向没雲臺的邊沿，這邊礁石林立，比之沙灘泥灘又有另一番迷人景緻。
艾文：「你睇今日個天清到！啲雲仲咁靚添！」
走到這裡艾文和旅伴開始累了，逗留一會便回南浦休息和覓食。
上一篇：【韓國】釜山之旅 | 99 Tong Sam Gyeop：韓國燒烤放題
下一篇：【韓國】釜山之旅 | 釜山驛
【韓國】5日釜山之旅 - 每日行程:
請注意，本文是艾文於 2019年時的遊記，所提及的優惠及價格等可能隨時間而更改，規劃行程時記得到官網查看!- 艾文去釜山皆因似高雄!?
- Day 1 行程景點: 香港 > 釜山機場 > 光復路時裝街 > Song Song Noodle House > 南浦洞地下街 > 札嘎其市場 > 國際市場夜市
- Day 2 行程景點: Ongheya > The bay 101 > 海雲臺沙灘日景 > 冬柏島 > 海雲臺沙灘夜景 > The bay 101 夜景 > 四十階段
- Day 3 行程景點: 釜山電影體驗博物館 > 99 Tong Sam Gyeop > 多大浦海水浴場
- Day 4 行程景點: 釜山驛 > Buti釜山城市觀光巴士 > 五六島天空步道 > 水產科學館 > 海東龍宮寺 > 魚がし日本一 > 樂天百貨光復店天台 - 龍頭山展望台 > 龍頭山公園
- Day 5 行程景點: 龍頭山公園 > 金海國際空港 > 蓮池公園 > 金海國際空港 > 香港
留言
張貼留言