【韓國】釜山之旅 | 99 Tong Sam Gyeop：韓國燒烤放題
艾文和旅伴在釜山電影體驗博物館參觀過後，向光復路時裝街方向覓食。
韓國釜山美食 - 99 Tong Sam Gyeop (구구99통삼겹)
地址：부산광역시 중구 남포동 태종로65번길 11
艾文兩眼發光：「呢間韓燒放題抵食喎！下面果嗰餐一人₩13900，啫係一百港紙到咋喎！」
旅伴猶豫地道：「但係睇唔明有咩肉食，入到去原來冇咩揀咁咪中伏......」
艾文信心十足地道：「佢果度寫住六樣野，點都有四樣係肉卦！」
旅伴軟化：「咁又係，試試都好！」
入內坐好後，艾文取來菜單研究。
艾文：「13900₩果嗰餐，有豬有牛，就呢個啦！」
點餐後艾文和旅伴就去搜羅伴菜和醬汁，不過選擇不多。
點餐後不久店員就端上肉類。
艾文和旅伴全力開動，艾文還到櫃檯添了牛五花(肥牛)、豬梅肉、醃豬肉等等兩三次。
旅伴品評道：「味道偏淡，佢地又唔多醬汁揀。」
艾文食飽飽，正在收拾東西準備繼續行程，聞言應道：「認同，向好既方向諗，佢地啲肉都幾新鮮，唔駛用重味冚嘛。」
之後艾文和旅伴就出發到多大浦海水浴場。
上一篇：【韓國】釜山之旅 | 釜山電影體驗博物館
下一篇：【韓國】釜山之旅 | 多大浦海水浴場：沙灘泥灘河景海景一次捕獲
【韓國】5日釜山之旅 - 每日行程:
請注意，本文是艾文於 2019年時的遊記，所提及的優惠及價格等可能隨時間而更改，規劃行程時記得到官網查看!- 艾文去釜山皆因似高雄!?
- Day 1 行程景點: 香港 > 釜山機場 > 光復路時裝街 > Song Song Noodle House > 南浦洞地下街 > 札嘎其市場 > 國際市場夜市
- Day 2 行程景點: Ongheya > The bay 101 > 海雲臺沙灘日景 > 冬柏島 > 海雲臺沙灘夜景 > The bay 101 夜景 > 四十階段
- Day 3 行程景點: 釜山電影體驗博物館 > 99 Tong Sam Gyeop > 多大浦海水浴場
- Day 4 行程景點: 釜山驛 > Buti釜山城市觀光巴士 > 五六島天空步道 > 水產科學館 > 海東龍宮寺 > 魚がし日本一 > 樂天百貨光復店天台 - 龍頭山展望台 > 龍頭山公園
- Day 5 行程景點: 龍頭山公園 > 金海國際空港 > 蓮池公園 > 金海國際空港 > 香港
留言
張貼留言